التخطي إلى المحتوى

كل بدائل الثانوية العامة ، المدارس بعد الاعدادية ، بدائل الثانوية العامة للبنات ، بدائل الثانوية العامة للبنين ، نقدم لكم موقع مذكرات تعليمية في كل مكان بدائل الثانويه العامه بعد الاعداديه للطلاب البنين والبنات وننصح جميع الطلاب وأولياء الأمور الاختيار الصحيح لأن هذا الاختيار هو الذي يحدد مصير الطلاب .

كل بدائل الثانوية العامة المدارس بعد الاعدادية

كل بدائل الثانوية العامة

– فكرة إن الثانوية العامة هي المستقبل، ولو ابنك مدخلش ثانوي هيجيلك إحباط واكتئاب وتفكر إن ملوش مستقبل، ده مبقاش موجود، فيه طرق كتير جدا علشان تضمن له مستقبل كويس جدا وتضمن له وظيفة محترمة أو على الأقل يكون ضامن شغل بعد ما يخلص حتى لو مدخلش ثانوية عامة.

أنا جبت لحضرتك بدائل كتيرة جدا عن الثانوية العامة.. وفيه منها مدارس كتير ابنك هيخرج منها على الجامعة.. جامعة تكنولوجية.. يعني مهندس تكنولوجيا في تخصصات نادرة جدا.. تخصصات معظم المستثمرين مش لاقينها في مصر.. تخصصات في كل المجالات (في الطب والأدوية والاتصالات والحراسات والسيارات والاستثمار والصناعات الكبرى وغيرها).

أولا: مدارس الثانوية في التكنولوجيا التطبيقية المؤهلة للجامعات التكنولوجية:

1- مدرسة العربي للتكنولوجيا التطبيقية (بنين).

أفضل المواضيع :  فيديو شرح طريقة اداء الامتحان الالكتروني لطلاب الصف الأول الثانوي

2- مدرسة الإمام محمد متولي الشعراوي للتكنولوجيا التطبيقية (بنين وبنات).

3- مدرسة التكنولوجيا التطبيقية للميكاترونيات (بنين وبنات).

4- مدرسة الشهيد أحمد تعلب الفندقية للتكنولوجيا التطبيقية (بنين وبنات).

5- مدرسة إلكترومصر للتكنولوجيا التطبيقية (بنين وبنات).

6- مدرسة الصالحية للتكنولوجيا التطبيقية (بنين).

7- مدرسة السويدي للتكنولوجيا التطبيقية (بنين).

8- مدرسة ايجيبت جولد للتكنولوجيا التطبيقية (بنين وبنات).

9- مدرسة بي تك للتكنولوجيا التطبيقية (بنين وبنات).

10- مدرسة الانتاج الحربي للتكنولوجيا التطبيقية بالسلام (بنين وبنات).

11- مدرسة الإنتاج الحربي للتكنولوجيا التطبيقية بحلوان (بنين).

12- مدرسة بي تك للتكنولوجيا التطبيقية (بنين وبنات).

13- مدرسة we للتكنولوجيا التطبيقية (بنين وبنات).

14- مدرسة hst للتكنولوجيا التطبيقية (بنين وبنات).

15- مدرسة الفنون للتكنولوجيا التطبيقية (بنين وبنات).

16- مدرسة الريادة للتكنولوجيا التطبيقية (بنين وبنات).

17- مدرسة مجموعة فلوكس فاجن للتكنولوجيا التطبيقية (بنين وبنات).

18- مدرسة غبور1 للتكنولوجيا التطبيقية (بنين وبنات).

19- مدرسة غبور2 للتكنولوجيا التطبيقية (بنين وبنات).

20- مدرسة GIT للتكنولوجيا التطبيقية (بنين وبنات).

أفضل المواضيع :  جدول قناة مدرستنا الأسبوع السابع ابتدائي واعدادي من 29 نوفمبر حتي 5 ديسمبر

ثانيا: مدارس ثانوية مؤهلة لوظائف مضمونة مع إمكانية دخول كليات الهندسة التكنولوجية:

– الآثاث (دمياط).

– البترول (بورسعيد والإسماعيلية والإسكندرية)

– البتروكيماويات أو اللوجستيات في محافظات قناة السويس.

– الضبعة النووية (مطروح وتخدم طلاب البحيرة والإسكندرية ومطروح وكفرالشيخ والغربية).

– مياه الشرب (القاهرة، البحيرة، بني سويف، والمنوفية).

– الإنتاج الحربي (حلوان ودار السلام بمحافظة القاهرة).

– الثانوية الفنية المتخصصة في طاقة الرياح والطاقة الشمسية ( القاهرة، السويس، بنها، الشرقية، البحيرة، الإسكندرية، سوهاج، قنا، الوادي الجديد، أسوان، البحر الأحمر).

– السكة الحديد (منطقة بوردان في القاهرة).

– الثانوية المعمارية (دار السلام في القاهرة).

ثالثا: مدارس أخرى

– ثانوية التمريض المدني.

– الثانوية العسكرية

أنا بفكر معاك في بدائل أصبحت أكثر أهمية من إن ابنك يدخل ثانوي ثم كلية حتى لو كانت كلية قمة أصبح الشغل فيها نادر.. سواء إعلام أو اقتصاد وعلوم سياسية أو ألسن أو غيرها كتير جدا. شوف حضرتك السوق محتاج إيه واتناقش مع ابنك يدرسه ويبقى متمكن فيه علشان ميقفش سنين في طابور البطالة لمجرد إنه دخل كلية من كليات القمة.. السوق والتوظيف رايح للتكنولوجيا والتخصصات النادرة اللي كانت غايبة عننا والدولة بتعمل لها مدارس متخصصة.. يعني كل صناعة واستثمار وتخصص بقى له مدرسة ثانوية تكنولوجية متقدمة تخدم عليه، بطريقة: التخصص يساوي وظيفة.

أفضل المواضيع :  اقوى شرح هندسة الثالث الاعدادي الترم الثاني

– هيكون متاح لابنك يتعلم وبعد المدرسة يشتغل في تخصص جديد، وهو بيشتغل يدخل كلية تكنولوجية في جامعة.. يعني مثلا، فيه مدرسة ثانوية تطبيقية في الشروق متخصصة في التكنولوجيا الحيوية، دي ياسيدي بتعلم ابنك كل ما يخص صناعة الأدوية والأمصال الطبية اللي مصر بتستوردها من الخارج، والمدرسة دي عاملها الألمان، وفي الإجازة الصيفية الطالب بيسافر ألمانيا على نفقة المدرسة 3 شهور، وبيرجع يكمل دراسته ويتخرج يتوظف في شركات الأدوية وصناعات الأمصال وغيرها، وده بيخدم على مدينة الدواء اللي مصر بتعملها.. هي دي الفكرة يا جماعة اللي بوصلها لحضراتكم.. تعليم فني في تخصص عصري تكنولوجي ووظيفة محترمة وجامعة تكنولوجية محترمة.

– اعتبرني بفكر معاك في بدائل الثانوية العامة.. والقرار قرارك.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *